Rundunar RSF ta sake karya yarjejeniyar tsagaita wuta a Sudan:

Rundunar RSF (Rapid Support Forces) ta sake karya yarjejeniyar tsagaita wuta tsakanin ta da Sojojin Sudan (SAF), lamarin da ya tayar da hankalin al’umma da ƙungiyoyin kasa da kasa.

Jami’an tsaro sun tabbatar da cewa RSF ta kai sabbin hare-hare a wasu unguwanni na Khartoum, Darfur da Kordofan, duk da yarjejeniyar zaman lafiya da aka kulla a makon jiya domin rage tashe-tashen hankula.

Masu lura da al’amuran Sudan na cewa wannan mataki na iya kara lalata tattaunawar sulhu, tare da ƙara jefa dubban fararen hula cikin hatsarin yunwa, ƙaurace-wa gida, da rashin tsaro.

Kungiyoyin agaji kuma sun gargadi cewa idan aka cigaba da karya yarjejeniyar, Sudan za ta iya fadawa cikin mummunan bala’in jinƙai mafi muni tun bayan barkewar rikicin 2023.

#Sudan #RSF #SAF #TasheTashenHankula #SahihunLabarai #Afirka #PeaceTalks #BreakingNews