China ta gargadi Amurka: “Ku hana Japan wuce gona da iri kan batun Taiwan."

Jaridar gwamnati ta kasar Sin, People’s Daily, ta wallafa wani muhimmin rubutu inda ta yi kira ga Amurka da ta dakatar da Japan daga ƙara tsoma baki cikin rikicin Taiwan. Jaridar ta ce wasu kalaman da jami’an Japan ke yi kan Taiwan suna ƙara tayar da hankali, kuma za su iya jawo tashin hankali a gabashin Asiya.

Sin ta jaddada cewa Taiwan ɓangare ne na ƙasarta, kuma duk wani yunƙuri na Japan ko wani ƙasashen waje na tallafawa ‘yancin kai na Taiwan, barazana ce ga zaman lafiya da kwanciyar hankali. Rubutun ya kuma zargi Amurka da ƙarfafa Japan kan hulɗar tsaro da manufofin da za su iya dagula yankin.

#China #USJapanTensions #TaiwanIssue #EastAsiaSecurity #WorldPolitics #Diplomacy #Geopolitics #HausaNews