Rigima ta ɓarke tsakanin Wike da jami’in soja kan mallakar fili a Abuja!
Tashin hankali ya kaure a Abuja bayan da aka samu cacar baki mai zafi tsakanin Ministan Babban Birnin Tarayya, Nyesom Wike, da wani jami’in soja kan mallakar wani fili da ake rikici akai.
Rahotanni sun nuna cewa sojan ya tsaya kan cewa filin mallakar rundunar sa ne, yayin da ɓangaren Wike ke jaddada cewa an kwace filin bisa doka saboda sabon tsarin kula da kadarorin gwamnati a Abuja.
Shaidu sun bayyana cewa lamarin ya ja hankalin jama’a sosai, inda aka yi ɗan ɗanbarwa da muhawara mai kaushi kafin jami’an tsaro su shiga tsakani.
Har yanzu babu cikakken bayani daga hukumomin soja ko ofishin ministan kan yadda lamarin zai ƙare.
Abin tambaya yanzu shi ne: Shin ikon mallakar ƙasa a Abuja na hannun gwamnati ne kawai, ko kuma jami’an tsaro suna da nasu muradun da suke karewa?
