Singapore na ɗaukar mataki na gaba a duniyar blockchain — gwajin tokenised bills da dokokin stablecoin sun kusa fara aiki.karanta kasa,👇
Gwamnatin Singapore ta bayyana cewa za ta fara gwajin amfani da takardun bashi (bills) da aka sauya zuwa tsarin dijital ta hanyar “tokenisation,” domin inganta tsarin kasuwanci da biyan kuɗi a cikin tattalin arziki.
A cewar Ravi Menon, babban daraktan Monetary Authority of Singapore (MAS), wannan shirin yana daga cikin yunƙurin kasar na zama cibiyar fasahar kuɗi (FinTech hub) a duniya.
An kuma tabbatar da cewa sabbin dokokin Stablecoin — wato kuɗin dijital da ke da tsayayyen daraja kamar Dala ko Euro — za su fara aiki nan bada jimawa ba, domin kare masu zuba jari da tabbatar da cewa ana amfani da su cikin bin doka.
Ravi Menon ya kara da cewa, gwajin zai taimaka wajen rage jinkiri da kudin mu’amala a harkokin kasuwanci tsakanin bankuna da kamfanoni, tare da haɓaka amincewa da amfani da fasahar blockchain a kasuwar kuɗi.
