Gwamna Dikko Radda Ya Nemi Taimakon Belarus Wajen Inganta Tsaro — “Lokaci Yayi da Zamu Dogara da Fasahar Zamani Don Kare Katsina! karin bayani 👇

Gwamnan Jihar Katsina, Malam Dikko Umar Radda (Ph.D., CON), ya kai muhimmi ziyarar aiki zuwa Cibiyar Tsaron Iyakoki ta Belarus a birnin Minsk, inda ya tattauna da jami’an kasar kan hanyoyin fasahar zamani, musayar bayanan sirri, da horas da jami’an tsaro domin magance matsalolin tsaro a jihar.

Radda ya bayyana cewa iyakar Katsina da Nijar na ɗaya daga cikin manyan ƙalubale wajen tsaro, musamman wajen ta’addanci, safarar makamai, da fataucin mutane, wanda ke bukatar hadin kai tsakanin ƙasashe da amfani da sabbin dabarun tsaro.

Jami’an Belarus sun yi alkawarin ba da horo, kayan aiki, da tallafin fasaha domin ƙarfafa tsarin tsaron Katsina. Wannan yunkuri na daga cikin shirin “Building Your Future” na gwamnatin Radda — wanda ke nufin gina makomar matasa da tabbatar da zaman lafiya a jihar.

🗣️ “Katsina na fuskantar kalubalen tsaro da ke bukatar dabaru na zamani da hadin kai na ƙasa da ƙasa,” in ji Gwamna Radda.