Ƙaruwar Ciwon Hanji da Dubura a Matasa na da Alaƙa da Cin Abincin da Aka Sarrafa Sosai – Rahoto Ya Bayyana. cikkaken labarin 👇

Ana samun ƙaruwa cikin matasa masu fama da ciwon hanji da dubura — masana na cewa abincin zamani mai sarrafawa sosai na iya zama “shiru-shirun mai kashe jik

Wani sabon bincike na duniya ya nuna yadda yawan kamuwa da ciwon hanji da dubura (colon da rectal cancer) ke ƙaruwa cikin gaggawa a tsakanin matasa, musamman a Amurka, sakamakon yawaitar cin abincin da aka sarrafa sosai (ultraprocessed foods) irin su fast food, kayan zaki masu sikari, da abincin da aka nannade a kwalaye.

Masana sun gano cewa irin waɗannan abincin — musamman waɗanda ke ɗauke da nama mai sarrafawa, sikari mai yawa, da sinadarai masu ƙara ɗanɗano — suna lalata tsarin narkewar abinci, suna haifar da kumburi a jiki, wanda ke ƙara haɗarin kamuwa da cutar sankarar hanji.

Sun ƙara da cewa duk da cewa gado da salon rayuwa suna da tasiri, amma cin abincin zamani mai cike da sinadarai da injin ya sarrafa shi ne ke zama babban abin da ke haddasa kamuwa da wannan cuta tun da wuri.

Binciken ya shawarci gwamnatoci da su ƙarfafa wayar da kai kan cin abinci na halitta mai ɗauke da fiber da kuma takaita tallace-tallacen abincin da bai da koshin lafiya ga matasa.